Казахский язык
Главная
Существительные
Послелоги
Прилагательные
Числительные
Местоимения
Наречия, Союзы
Личные окончания
Глаголы
Вспомогательные глаголы
Причастия
 Деепричастия
Конструкции
Предложения
  Проверь себя!
  Упражнения
   Грамматика детям
  Удивительный мир
Видеокурс
   Разговорник
Фразеологизмы
   Книга для чтения
С казахским не шутят?
Рассказы
Сказки
Песни
Полезное
Словарь
Ссылки
Автор
 1 
 2 
 3 
 4 
 5 
 6 
 7 
 8 
 9 
 10 
 11 
 12 
 13 
 14 
 15 
 16 
 17 
 18 
 19 
 20 
 21 
 22 
 23 
 24 
 25 
 26 
 27 
 28 
 29 
 30 
 31 
 32 
 33 
 34 
 35 
 36 
 37 
 38 
 39 
 40 
 41 
 42 
 43 
 44 
 45 
 Қаз/Qaz 

С казахским не шутят?

Выпуск 8

Автор идеи, составитель и переводчик текстов
с русского языка на английский: Андрей Краснов

8-1
      Жас жұбайлар «Жигули» көлігін сатып алады. Қала көшелерінде келе жатып, бағанаға соғылады.
      – Келдік! – деді күйеуі.
      – Қызық екен, жазық далада бағана болмаса сен көлікті қалай тоқтатар едің, - депті әйелі.
Мәтінді жасыру
8-2
      Бір еркек психиатрға келеді:
      – Дәрігер, менің басым дұрыс жұмыс істемейтін сияқты көрінеді маған...
      – Неліктен олай деп шештіңіз?
      – Білесіз бе, соңғы екі апта ішінде біздің үкімет не істесе де маған орынды сияқты көрінеді.
Мәтінді жасыру
8-3
      Жас жігіт балгер әйелден:
      – Сіз болашақты ғана болжайсыз ба, әлде өткенді де ме?
      – Екеуін де.
      – Олай болса, маған болашақ әйелімнің өткенін ашып беріңізші.
Мәтінді жасыру
8-4
      Күйеуі аң аулаудан оралады.
      – Дайын бол, енді біз бір ай бойы еттi сатып алмаймыз!
      – Қымбаттым, сен бұлан атып алдың ба?
      – Жоқ, жалақымды ішіп қойдым.
Мәтінді жасыру
8-5
      Күйеуі үйіне екпіндей жүгіріп кіреді де, әйелін бас салып, оны сүйе бастайды және әйелі оған ыстық жауап қайтарады.
      – Кәні, - дейді күйеуі, - енді мен саған мұртсыз ұнаймын ба?
      – Ә, бұл сен бе едің...
Мәтінді жасыру
8-6
      Бір еркек сотқа түсіндіруде:
      – Мен айырылысуға мәжбүрмін. Бұрын, мен жұмыстан келгенде итім мені үріп қарсы алатын, ал әйелім шәркейімді алып келетін. Қазір бәрі керісінше.
Мәтінді жасыру
8-7
      Бір еркек ауруханаға түсіпті. Күтуші түскі асты алып келеді: нан үзіндісі, бір тілім қызанақ, жарты жұмыртқа, бір қасық ботқа. Еркек «ағыл-тегіл» асқа қарап, күрсінеді:
      – Сізде пошта маркасы бар ма?
      – Не үшін?
      – Түстен кейін бірдеңе оқығанды ұнатамын.
Мәтінді жасыру
8-8
      Бір еркек екіншісінен сұрайды:
      – Сен балық аулауға барасың ба?
      – Жоқ.
      – Неліктен?
      – Жұлдыз жорамалдан мен бүгін балықтар үшін қолайлы күн деп оқылым.
Мәтінді жасыру
8-9
      Бір еркек баспамен ауырған соң, дәрігерге телефон шалып, сыбырлап сұрайды:
      – Дәрігер үйде ме?
      – Жоқ, - деп жауап береді дәрігердің әйелі де сыбырмен, - тезірек кел...
Мәтінді жасыру
8-10
      Психиатрдың қабылдауында:
      – Дәрігер, маған бірдеңе болған тәрізді! Мені үнемі біреу аңдып жүргендей сезінемін!
      – Сонда қалай, қашаннан бері?
      – Салық төлеуді қойғаннан бері!
Мәтінді жасыру
8-11
      Прокурордың қабылдауына бір әйел келеді де, күйеуін мезгілінен бұрын босатып алуға көмектесуін сұрайды. Прокурор:
      – Ол не үшін отыр?
      – Бар жоғы алаяқтық үшін...
      – Сонда... жөлік екен қой? Неге оны түрмеден алып шыққыңыз келеді?
      – Менің ақшам таусылды.
Мәтінді жасыру
8-12
      Тергеуші уайым-қайғыға батып, қара киініп алған жесірге жан ашырлықпен қарап тұр.
      – Кешіріңіз, сіз маған күйеуіңіздің соңғы сөздерін айта аламысыз? - деп сұрайды.
      – Айта аламын - дейді жесір өксіп. - Ол айтқан: «Мені осы мылтықпен қорыта беруді доғар! Сен онымен тіпті сарайдың қақпасына да тигізе алмайсың!»
Мәтінді жасыру
8-13
      Психиатрдың қабылдауында:
      – Сонымен! Яғни, салықтарды қуана төлеймін дейсіз бе? Ол қашан басталды?
Мәтінді жасыру
8-14
      – Түсінбеймін, сен қалай бір күн ішінде осыншама ақымақтық жасап үлгердің?
      – Мен өте ерте тұрамын...
Мәтінді жасыру
8-15
      Өмірден орын табу - қиын мәселе емес. Ол орынды алу - мәселе!
Мәтінді жасыру
8-16
      Сыйлықтар үш түрлі болады: қымбат, онша қымбат емес және кітап.
Мәтінді жасыру
8-17
      Перзентхананың алдына медбике бір әкеге үшемді шығарып, одан сұрапты:
      – Сізді олардың осынша көп болғаны қорқытпайды ма?
      – Негізі, жалпы, жоқ...
      – Жақсы, онда бұларды ұстай тұрыңыз мен қалғандарын алып келейін!
Мәтінді жасыру
8-18
      Төрт баланың әкесін жаман күдік мазалайды:
      – Зина, тыңдашы, меніңше Вася менің балам емес сияқты.
      – Мұндай ой сенің басына қалай ғана келіп жүр? Керісінше Вася нақты сенің балаң!
Мәтінді жасыру
8-19
      Түн. Вагонда кішкентай лампылар сығырайып жанып тұр. Кенеттен жарық сөніп қалады және біреу қатты айғай салады:
      – Азаматтар! Қол сандықтарыңызды байқаңыздар! Ұрланады!! Мен біреуін ұрладым!!
Мәтінді жасыру
8-20
      Бір адам танысына:
      – Білесің бе, кеше мен бір бойжеткенді сүйіп алып едім, ол бірден полицейді шақыра бастады.
      – Менің жағдайым одан да ауыр. Мен бойжеткенді сүйіп үлгермей жатып, ол бірден дін қызметшісін шақырды.
Мәтінді жасыру
8-21
      – Даяшы, сіздің шницеліңіз шіріген пияз жағылған, әбден тозығы жеткен ескі шәркейді еске түсіреді!
      – Таңқаларлық жағдай, өміріңізде сізге не жеуге тура келген.
Мәтінді жасыру
8-22
      – Даяшы, шот!
      – Сіз не жедіңіз?
      – Аспаздан сұраңыз, мен туралған ет тапсырған болатынмын.

Мәтінді жасыру
8-23
      Құрбысы сұрақ қойды:
      – Қызық екен, сендердің үйленген күндерің сенің күйеуіңнің есінде ме екен?
      – Бағыма қарай, жоқ.
      – Неге «бағыңа қарай»?
      – Мен ол туралы жылына бірнеше рет оның есіне саламын, және әр уақытта сыйлық аламын.
Мәтінді жасыру
8-24
      Дәрігер емделушіні қарап шыққаннан кейін:
      – Сіздің денсаулығыңыз жақсы. Тек қана таза ауада көбірек жүріп, қыстыгүні жылырақ киінуге кеңес беремін.
      Үйінде күйеуі одан дәрігердің не айтқанын сұрайды:
      – Жазда теңіз жағалауында дем алуды, қыста – қаракүзенді ішік киюге кеңес берді.
Мәтінді жасыру
8-25
      – Айыпкер, бұл іс туралы не айтып бересіз?
      – Үйге қарай келе жаттым. Маған екі адам жақындап келіп: «Тон мен бөрікті шеш»,- деді. Мен айтқандарын істедім. Біреуінің тонын, екіншісінің бөрігін шештім.
Мәтінді жасыру
8-26
      – Қымбаттым, қарашы, сенің футболкаң «Тайдпен» жуғаннан кейін кіршіксіз ақ болып шықты!
      – Иә...Бірақ ол маған жолақтары бар болған кезде көбірек ұнайтын.
Мәтінді жасыру
8-27
      Аңшы қонақтарға әңгіме айтуда:
      – Ең қауіпті аң - гризли. Бұл аюдан құтылу мүмкін емес. Егер сіз қаша бастасаңыз, ол сіздің артыңыздан одан да қаттырақ қуа жөнеледі. Егер сіз суға секірсеңіз, ол да қарап қалмай соңыңыздан секіреді.
      – Ал тығылып қалсаң ше?
      – Онда... ол да тығылып қалады!
Мәтінді жасыру
8-28
      Ертеңгісін әйелі күйеуіне төсекке кофе әкеліп берді. Біршама уақыт өткеннен кейін жатын бөлмеден қатты айқай естілді. Әйелі ас үйде тұрып сұрапты:
      – Қымбаттым не болып қалды?
      – А-а-а-а!!! Мен күйіп қалдым!!! А-а-а!!! Мен үстіме кофені төгіп алдым! А-а-а!!!
      – Қымбаттым, бұлай айқайлама енді. Сәл шыда. Мен қазір тағы бір кофе демдеп беремін!
Мәтінді жасыру
8-29
      – Неге сіз дәрі-дәрмектерді ішпейсіз?
      – Олар жиіркенішті ғой.
      – Ал сіз дәруменді ішкенде коньяк ішіп жатырмын деп ойлаңыз.
      – Одан да мен коньяк ішіп жатып дәрі ішіп тұрмын деп ойлай салайын.
Мәтінді жасыру
8-30
      Ұшақта стюардесса хабарландыру жасауда:
      – Ұшақ салмағы көтере алу шамасынан асып кетті, бір жолаушының секіруі қажет болып тұр.
      Кенет бір еркектің сыбырлаған дауысы естіліпті:
      – Әрдайым осы енем керек еместе кезде шыға қалады. Ал енді керек болғанда таба алмайсың.
Мәтінді жасыру
8-31
      – Тыңдашы, мен не істесем болады? Маған дәрігер толығымен есіңнен адасасың деді.
      – Солай ма? Сен маған бір-екі мың қарызға бере тұрасың ба?..
Мәтінді жасыру
8-32
      Салық инспекциясындағы әңгіме:
      – Біздің жаңа салықшы инспекторымыз пара ала ма екен а?
      – Оның не?! Адал адам ол! Бұл жұмысқа дейін екі жыл моншаны басқарған, сөйтіп тіпті бір жуынбапты!
Мәтінді жасыру
8-33
      – Неге сен ешқашан демалыс алмайсың? Сенің фирмаң не соншама, сенсіз күн көре алмай ма сонда?
      – Міне сондықтан да мен олар соны түсінбесін деп кеткім келмейді.
Мәтінді жасыру
8-34
      – Cен күйеуіңмен ажырасайын деп жүргенің шын ба?
      – Шын.
      – Бұндай жағдайда мен саған жақсы қорғаушы ұсына аламын.
      – Рақмет, бірақ мен бір жақсы бизнесменді тауып алдым.
Мәтінді жасыру
8-35
      – Сенесің бе, кеше үйге келсем, жейдемде далап іздері қалыпты!
      – Иә-ә... Енді әйеліңнен тыныштық жоқ шығар сірә?
      – Айта тіпті! Күніге айқайлап болмайды: «Осындайды қалаймын! Осындайын алып бер!»
Мәтінді жасыру
8-36
      Екі дос әңгімелесуде. Біреуі мұңайып айтады екен:
      – Бұл өмірде барлығы сондай біршама...
      – Сен нені меңзеп отырсың?
      – Әйелім білмейтін әлгі жүз рубль, ол білетін бір мыңдықтан әлдеқайда қымбатырақ.
Мәтінді жасыру
8-37
      Сатушы:
      – Ал қалай екен? Өткен жолы сіз сатып алған емдік балшық әйеліңіздің сырт келбетін өзгертуге көмектесті ме?
      Сатып алушы:
      – Иә, бірақ тек алғашқы екі күн ғана. Ал сосын ол құрғап түсіп қалды...
Мәтінді жасыру
8-38
      Кеңсе сыртындағы әңгіме:
      – Бастың қызметкерлер санын едәуір қысқартпақшы дейді ғой.
      – Бұның бізге қатысы жоқ. Ол жәй жұбайымен керісіп қалыпты, сосын оның барлық туыстарын жұмыстан қуамын деп қорқытыпты.
Мәтінді жасыру
8-39
      Зоодүкендегі әңгіме:
      – Ал сізде кішкентай, кішкене ғана акула табылмас па екен?
      – Ол не үшін керек?
      – Мысығымның сазайын берейін деп едім: ол бүгін тағы аквариумдегі барлық балықтарды жеп қойыпты.
Мәтінді жасыру
8-40
      Әйелі терезеге қарап тұрып ойланып айтыпты:
      – Қарашы, қымбаттым, біреудің байы қамқоршыл екен, өзі барып жіптен киімдерді ағытып алып жатыр...
      Күйеуі терезеге келіп дәл солай ойланып тұрын айтқан екен:
      – Өте қамқоршыл, бірақ ағытып жатқан киімдері біздікі ғой...
Мәтінді жасыру

'🌞' – ссылка на грамматический разбор анекдота

Перевод шуток на казахский:
Гульмира Ажмаганбетова, Nurdaulet Aspenov
Корректор: Азамат Биназаров


© Татьяна Валяева,  2007–2024
 <<  Выпуск 07 Вернуться к началу Выпуск 09  >> 

Главная             Цвета текста на сайте             Телеграм-канал «Изучаем казахский...»             kaz-tili@yandex.kz             Гостевая книга