Казахский язык
Главная
Существительные
Послелоги
Прилагательные
Числительные
Местоимения
Наречия, Союзы
Личные окончания
Глаголы
Вспомогательные глаголы
Причастия
 Деепричастия
Модальность
Предложения
   Проверь себя!
   Упражнения
   Грамматика детям
   Учим всей семьёй
Словарь
Разговорник
Пословицы
Книга для чтения
С казахским не шутят?
Сказки
Песни
Видео
Ссылки
Автор сайта
Отзывы
 01 
 02 
 03 
 04 
 05 
 06 
 07 
 08 
 09 
 10 
 11 
 12 
 13 
 14 
 15 
 16 
 17 
 18 
 19 
 20 
 21 
 22 
 23 
 24 
 25 
 26 
 27 
 28 
 29 
 30 



Автор идеи, составитель и переводчик шуток
с русского языка на английский: Андрей Краснов


С казахским не шутят?

Выпуск 07
07-01
      Неке канторасында.
      – Ханым, сіздің қалауыңыз сары шашты ма, әлде қараторы жігіттер ме?
      – Мен шикіл сарыларды таңдар едім. Білесіз бе, менің үйімнің жиһаздарының бәрі қызыл түсте.
Скрыть текст
07-02
      Ота кезінде. Медбике:
      – Дәрігер, дәрігер, біз одан айырылып қалдық!!!
      Дәрігер:
      – Соншама қамығудың қажеті жоқ, бізде бұндайлардың әлі толық бір палатасы жатыр!
Скрыть текст
07-03
      – Сіздің өт қабыңызда тастар, зәріңізде құм, өкпеңізде әктас...
      – Дәрігер менің қай жерімде балшық жатыр соны айтыңызшы, мен бірден үй құрылысын бастайын.
Скрыть текст
07-04
      Менің өмірімде екі маңызды оқиға орын алған. Біріншісі: ұлым дүниеге келді. Екіншісі: мен ақыры бұл туралы әйеліме айтатын болып шештім.
Скрыть текст
07-05
      Қоғамдық асханада наразы біреу аспазға барып айтыпты:
      – Бүгін сіз дайындаған сорпа тіпті ішуге келмейді. Ол тұсқағаз клейстері сияқты болып шыққан.
      – Бұндайды тіпті күтпегем. Бұл деген менің дайындай алатындарымның ішіндегі ең жақсысы ғой. Кешіріңіз ал сіз тұсқағаз клейстерін жие жеп тұрасыз ба?
Скрыть текст
07-06
      Милицияның бөлімшесіне бір кісі жүгіріп келіп:
      – Мені тұтқындаңдар, мен әйелімді ұрып жібердім!
      – Сіз оны өлтіріп алдыңыз ба?
      – Жоқ, тіпті жарақат салмадым.
      – Онда бұл ештеңе емес, кете берсеңіз болады.
      – Кетпеймін! Ол көшеде тұр...
Скрыть текст
07-07
      Қару-жарақ дүкеніне бір адам келіп оған револьвер сатуларын сұрапты.
      – Сіз оны қандай мақсат үшін сатып алмақшысыз?
      – Мен көршімді атып тастағым келеді.
      – Егер сіз қарсы болмасаңыз, мен сізге бір кеңес берейін деп едім: ертеңге дейін күте тұрыңыз.
      – Неге?
      – Сіз бүгін ашуланып тұрсыз сондықтан мүлт кетуіңіз мүмкін.
Скрыть текст
07-08
      Жаңа жылды қарсы алудан кешігіп қалмас үшін екі жігіт көлікпен зырғып келеді екен. Темір жол өткеліне жақындап қалғанда:
      – Пойыздың астына түсіп қалмас үшін сен оңға қара, ал мен солға қараймын - депті жүргізуші.
      Кенет бірдеңе тарс ете қалады, сонда екі дос көлік сынықтарының арасынан шығып келе жатып, жүргізушісі айтыпты:
      – Алдыңа да қарап отырғаныңда, біз шлагбаумның жабық тұрғанын көретін едік.
Скрыть текст
07-09
      Мейрамханада телефон шырылдапты:
      – Мен сіздерде бір үстелге тапсырыс бере аламын ба?
      Даяршы ызаланып:
      – Сізге қанша рет түсіндіру керек, біз мұнда жиһаздар саудасымен айналыспаймыз!
Скрыть текст
07-10
      – Сіз естідіңіз бе: зейнеткерлер үшін жаңа жеңілдіктер енгізіпті!
      – О не дегеніңіз тағы!
      – Енді оларға кранның жебесінің астында тұруға, автоматты есіктерге сүйенуге және Бағдаршамның қызыл түсіне өте беруге болады.
Скрыть текст
07-11
      – Сізге сыра ма? - деп сұрапты даяршы тұрақты келетін бір адамнан.
      – Жоқ, мен көлікпен жүрім, маған минералды су алып келіңізші.
      Бір минуттан соң даяршы сыра алып келіп:
      – Сіз енді сыра іше берсеңіз болады, көлігіңізді жаңа ғана ұрлап кетті.
Скрыть текст
07-12
      Бірде кәсіпкер көшеде өзінің салық инспекторын жолықтырыпты:
      – Қайырлы кеш.
      Инспектор:
      – Қайдағы кеш? Таң енді атты ғой!
      – Таң екенін білемін ғой, жәй мен сені көрсем болды көзім қарауыта бастайды.
Скрыть текст
07-13
      Сотта:
      – Сонда сіз осынша мас бола тұрып қалай рульге отыра алдыңыз?
      – Маған достарым көмектескен.
Скрыть текст
07-14
      Екі жаңа орыс олардың қайсысында сағаты ең жақсы екені жөнінде дауласыпты:
      – Ей, менің "Роллексім" сенің "Картьеңнен" он есе қымбатырақ!
      – Есесіне менікі тезірек жүреді!
Скрыть текст
07-15
      – Василий өзіңді қинай бергенді доғар. Егер тойға шақырса бару керек, әйтпесе адамдар ренжіп қалады. Қалай дегенмен де сен күйеу баласың ғой!
Скрыть текст
07-16
      – Кері қайт! -деп айқайлапты милиционер сыраханадан шығып, көшені кесіп өтуге болмайтын жерден өткен адамға.
      – Жоқ, қайта алмаймын, менің басқа ақшам жоқ.
Скрыть текст
07-17
      – Міне саған жаңа жылға сыйлық, - депті әкесі ұлына гитара беріп жатып.
      – Рахмет! - деп алғыс айтыпты баласы. - Тұра тұр, неге бұның ішектері жоқ?
      – Барлығы бірден болмайды, балам. Бірінші ойнап үйреніп ал, сонда саған ішектерінде сатып алып береміз.
Скрыть текст
07-18
      Сауық кешіндегі қонақ:
      – Тап жаңа коктейл тасып жүрген тым жақсы қызметші қыз қайда кетті?
      Үй иесі:
      – Сіз бірдеңе ішейін деп пе едіңіз?
      – Жоқ, мен өзімнің күйеуім қайда екенін білуді қалаймын.
Скрыть текст
07-19
      Дәрігер науқасты жұбатып:
      – Уайымдамаңыз, уақыт бәрін жазады.
      – Ах солай ма? Ауруханада неге осынша ұзақ кезектер екенін енді түсіндім. Демек бұл емдеудің қосымша әдісі болды ғой.
Скрыть текст
07-20
      Ағамыз кешкісін баққа темекі тартуға шықса, гүлзар маңында күтпеген жерден көршісінің құшағында өзінің жұбайын көріпті.
      – Иван Иванович, оңбаған екенсің өзің! - деп әділ ашуын айтыпты күйеуі. - Сіз не оның радикулиті бар екенін білмедіңіз ба не?
Скрыть текст
07-21
      – Кеше менің әйелім ауырып қалды, ал бүгін оның шешесі оған қарайласуға келді.
      – Иә, бәле жалғыз келмейді.
Скрыть текст
07-22
      Бір ағамыз үйінен шығыпты. Керіліп тұрып:
      – Э-эх! Жұмыс істегім келіп тұрғанын ә! Барып жата тұрайын, мүмкін басылар.
Скрыть текст
07-23
      Екі тәжірибелі дәрігер өз бастарынан өткен оқиғаларды естеріне түсіріп тұр екен:
      – Менде бір науқас болған, ол барлық болжамдар бойынша он жыл бұрын өлуі керек еді, ал ол болса әлі де тірі.
      – Иә ондай да болады. Науқас өмір сүргісі келсе, онда медицинаның түкке де әлі келмей қалады.
Скрыть текст
07-24
      Екі дос.
      – Сен мына газеттен нені қиып жатырсың?
      – Мұнда әйелі қалтасын ақтарғаны үшін онымен ажырасып кеткен еркек туралы мақала бар екен.
      – Енді сен оны не қылайын деп едің?
      – Өзімнің қалтама салып қоямын.
Скрыть текст
07-25
      Екі дос джин ішіп отырып әңгімелесіпті:
      – Сен өз әйеліңе бридж ойнауды үйретті дейді ғой? - деп қызығыпты біреуі.
      – Иә, білесің бе сен, бұл керемет ой болды негізі. - депті екіншісі. - Өткен сәрсенбіде мысалы мен одан өзімнің айлығымның Жартысына жуығын ұтып алдым.
Скрыть текст
07-26
      – Дәрігер, жалынамын, дереу келіңізші. Әйелімде аппендициттің қатты ұстамасы болып жатыр.
      – Уайымдамаңыз. Екі жыл бұрын мен сіздің әйеліңізге ота жасап өскіндісін алып тастағанмын. Адамда екінші рет аппендикс бола алмайды!
      – Дұрыс айтасыз, сэр! Бірақ адамда екінші әйел бола алады!
Скрыть текст
07-27
      – Кеш жарық, сэр. Маған бір сәтке назарыңызды бөлмейсіз бе, сэр? Мен сізден шамалы ақша сұрайын деген едім. Менің үйім де, машинам да, әйелім де, көңілдесім де жоқ. Достарым да жоқ. Осы бір ескі әскери 45-ші калибрлі тапаншамнан басқа ештеңем де жоқ...
Скрыть текст
07-28
      Қызы анасына шағымдануда:
      – Анашым, мен күйеуге шыға алмаймын. Ол деген атеист қой және ол тозақтың барына сенбейді.
      – Уайымдама, қызым. Қорықпай күйеуге шыға бер, ал менің шаруам оны тозақтың барына мәжбүрлеп сендіру.
Скрыть текст
07-29
      – Дәрігер, көмектесіңіз! Менің көз алдымда жасыл шеңберлер пайда болды!
      – Иә? Ал сіз қандай түсті қалайсыз?
Скрыть текст
07-30
      Архимедтің заңы: әйел жеңіл болған сайын, оған кететін шығындар ауыр болмақ.
Скрыть текст
07-31
      Әйелі:
      – Саған бүгінгі түскі ас ұнады ма?
      Күйеуі:
      – Сен тағы шатақ шығаруға себеп іздеп тұрсың ба?
Скрыть текст
07-32
      – Сіз мына ханымның туысқанысыз ба?
      – Иә, бірақ өте алыс: біз он екі ағалы-інілілер мен апалы-сіңілілер болдық. Мен тұңғыш баламын, ал ол ең кенжеміз болған.
Скрыть текст
07-33
      Әйелі күйеуіне айтыпты:
      – Асүйде маса ұшып жүр. Оны ұрып түсірші, өтінем.
      Жұбайы асүйге кетеді. Ол жақтан сынған ыдыстың шылдыры, сынған жиһаздың қытырлары естіліп жатты. Жарты сағаттан кейін асүйден үрпі-түрпісі шығып әбден терлеген жолдасы шығып:
      – Өлтіруін өлтіре алмадым, бірақ оның денсаулығы қазір баяғысындай емес.
Скрыть текст
07-34
      Дәріхана сатушысы орнына практикантты қалдырып, шамалы уақытқа шығып кетеді. Қайтып келгенде сұрапты:
      – Біреу-міреу келді ме?
      – Иә. Тұмауратып жүрген біреу келді.
      – Сосын, сен оған не бердің?
      – Іш өткізгішті.
      – Сен не, есің дұрыс па? Қайда ол?
      – Анау бұрышта, жөтеліп қалудан қорқып тұр.
Скрыть текст
07-35
      Гүлдер дүкеніне сатып алушы кірді:
      – Менің әйелім ертең келетін еді, маған қыш құмырадағы қазтамақты сатыңызшы.
      – Өкінішке орай, қазтамақ бізде бүгін жоқ, - деп жауап берді сатушы. - Мүмкін сізге бақытгүл де ұнап қалар? Олар едәуір әдемірек және бәлкім ол сіз сыйлайын деп тұрған жанның да талғамынан шығар.
      – Әттең-ай,- деп айтты сатып алушы. - Бақытгүл болмайды. Мен әйелім шешесіне қонаққа кеткенде қазтамақты суарып тұрамын деп уәде еткен едім.
Скрыть текст
07-36
      Серіктес кәсіпкерлер жеңіл ақшаны қалай дұрыс жұмсауды талқылап жатыр. Біреуі ұсынуда:
      – Қане тиын лақтырайық! Егер бүк түссе ақшаны ішімдікке жұмсаймыз.
      – Ал егер шік түссе ше?
      – Онда қыздарға шашамыз.
      – Ал егер бір қырына тұрып қалса ше?
      – Әйелдерімізге береміз. Ал егер тіпті ауада тұрып қалса - салық төлейміз.
Скрыть текст
07-37
      Әйелі күйеуіне:
      – Менің саған айтар екі жаңалығым бар: жақсы және жаман.
      – Ал қандай енді?
      – Мен сеннен кетемін.
      – Жақсы солай де...Ал жаманы қандай еді?
Скрыть текст
07-38
      Киллер жерлеу қызметінің бюросына алқагүлге тапсырыс беріпті. Одан сұрапты:
      – Не деп жазайық?
      – Былай деп жазыңыз: "Кешір, бауырым, басқа біреумен шатастырып алдым!"
Скрыть текст
07-39
      Жаңа орыстың әйелі психиатрда:
      – Дәрігер, соңғы кездері менің күйеуім өз-өзімен жиі сөйлеседі.
      – Сабырға келіңіз, xаным, біздің күйгелек заманымызда бұл көп тараған жәйіт.
      – Иә, бірақ ол өз-өзімен ұялы телефонмен сөйлеседі!
Скрыть текст
07-40
      Анасы эффералганды ішпей тұрған кішкентай қызын көндіре алмауда:
      – Қызым, қане сен бұны фанта деп ойлашы, сонда дәріні оңай ішіп қоясың.
      – Анашым, одан да мен фантаны іше салайын, ал сен мені эффералганды ішті деп ойлай сал.
Скрыть текст
07-41
      Бір әйел өзіне айнадан қарап тұрып ойлапты:
      – Мен өзімнің жіңішке белімді, әдемі мықынымды, жинақы ішімді ұнатамын.... Бірақ осының бәрін жасырып тұрған май қабаттарын жек көремін!
Скрыть текст
07-42
      – Сәлеметсіз бе? Сіздің бастығыңызбен сөйлесейін деп едім.
      – Өкінішті әрине, бірақ бұл мүмкін емес, ол жоқ.
      – Қалай жоқ? Мен оны бір минут бұрын терезеден көргенмін!
      – Ол да сізді көрген...
Скрыть текст
07-43
      – Иван, сен неге арақты ішесің?
      – Түсінемісің, өзімнің уайымдарымды батырып жібергім келеді, ал олар болса оңбағандар, жүзуді үйреніп алыпты.
Скрыть текст
07-44
      – Үй өртене бастағанда мен бөлмеге ұшып кірдім де енемді қолыма алап шықтым.
      – Иә, бұндай жағдайда есіңнен адасу оңай.
Скрыть текст
07-45
      "Бір көргеннен ғашық болу" ойыны. Жігіттен сұрап жатыр:
      – Сіз қай қызды таңдайсыз?
      Жаңағы ұзақ үндемей тұрып:
      – Мен әйеліммен ақылдасып алсам бола ма?
Скрыть текст
07-46
      – Сіз қалай ұйықтайсыз?
      – Тіпті тамаша.
      – Ал сіз кім болып жұмыс істейтін едіңіз?
      – Түнгі күзетші.
Скрыть текст
07-47
      – Сеніңше қалай, кім тапқырырақ: еркектер ме әлде әйелдер ме?
      – Әрине, еркектер! Олардың әйелдерге ұсынатын затына әйелдер өмір бойы күледі.
Скрыть текст
07-48
      – Қай кезде қартайған шақ басталады?
      – Әдемі қыздың түрі үміт емес өткен кездерің еске түсіретін кезде...
Скрыть текст
07-49
      Әдемі қыз военкоматтың қақпасының қасында көзі жасқа толып тұр екен.
      – Немене, болашақ күйеуіңді әскерге шақыртуда ма? деп сұрапты күзетші аянышпен.
      – Иә. Тіпті барлық бесеуін де бір уақытта.
Скрыть текст
07-50
      Жас ана - сатушыға:
      – Сізге бұл ойыншық сәби үшін тым қиын секілді көрінбей ме?
      – Жоқ, ол әдейі сол сәбиді қазіргі заманға сай өмірге бейімдеп үйрету үшін арналған. Сәби оны қанша қиналып құрастыруға тырыссада онысынан түк те өнбейді...
Скрыть текст


Перевод шуток на казахский:
Nurdaulet Aspenov
Корректор: Азамат Биназаров



©  Татьяна Валяева   2007–2017
http://kaz-tili.kz/
 <<  Выпуск 06 Вернуться к началу Сказки  >>