1.
✦  Aligator – bauyrymen jorğalauşylar klasyna jatatyn qoltyrauyn. «Aligator» degen söz ispan tılınen engen, «el lagarto», iağni «kesırtke» degen mağyna beredı.

★  Basqa qoltyrauyndar oträdy ökılderınen basynyñ jalpaqtyğy jäne közınıñ joğary ornalasqandyğymen erekşelenedı.

✷  Denesınıñ ūzyndyğy – 1,5 - 6,3 metr, salmağy 85 kelıge deiın jetedı.

◈  Aligatordyñ terısı öte qalyñ jäne qatty bolady.

❖  Aligatorlar tünde belsendırek tırşılık etedı, azyğyn köbıne tünde aulaidy. Eresek aligatorlar balyq, qūs, tasbaqa, türlı bauyrymen jorğalauşylar jäne sütqorektılerdı aulaidy. Jemtıgın tırıdei jūtady.

2.
⍟  Aligatordyñ üşbūryşty tısterı qoregın aulauğa yñğaily, bıraq ony bölşekteuge şamasy jetpeidı. Aligatorlardyñ 80 tısı bolady, tüsıp qalğan tıstıñ ornyna jañadan tıs ösıp şyğady.

✪  Irı aligatorlardyñ közderı – qyzyl, keibırınen jasyl säule şaşyp tūrady. Osy belgılerı arqyly aligatorlardy qarañğyda da baiqauğa bolady.

✾  Aligator eñ köp mekendeitın jer – AQŞ-tyñ Florida men Luiziana ştattary. Sonymen qatar olar Qytaidyñ tūşşy su aidyndarynda tırşılık etedı.

✤  Aligatorlardyñ tört aiağy bolady. Suda öte jaqsy jüzedı, qūiryğynyñ kömegımen būrylady. Aiaqtaryndağy sausaqtarynyñ arasynda jüzu jarğağy bola dy, tarlau jerde jarğaqty aiaqtaryn ıske qosady.

✿  Aligatorlar tūşşy suly toğandardy, kölderdı, batpaqty jerler men qamys qalyñ ösken sulardy meken etedı.

3.
✧  Aligatorlar köbınese jeke-dara jüredı. Tabiğatta 30 – 35 jyl ömır süredı. Qolğa üiretılgenderı 50 jasqa deiın jasaidy.

✯  Basqa da köptegen bauyrymen jorğalauşylar tärızdı aligatorlar da tabanymen jüredı. Qūrğaq jerde jyldamyraq jügıredı, bıraq alysqa ūzap kete almaidy.

❉  Bağaly terısı üşın aulanady.

➢  Aua raiynyñ salqyn kezınde aligatorlardyñ tamaqqa täbetı naşarlai bastaidy. Aua temperaturasy 23°C-qa tömendegende tamaq jeudı mülde toqtatady.

⚜  Aligator qūrbanyn kütıp, qimyldamai ūzaq jatady. Jaqyn kelgende kütpegen jerden bas salady.