1.
✦  Kögıldır akula – taqta jelbezektıler klas tarmağyna jatatyn jyrtqyş balyq. Denesınıñ ūzyndyğy – 3,8 metrge, salmağy 300 kelıge deiın jetedı.

★  Dene qañqasy süiekten emes, şemırşekten tūrady. Torsyldağy jäne jelbezek qaqpağy bolmaidy. Basynyñ ekı jağynda jelbezek sañylaulary bar. Su tübıne batyp ketpes üşın akula ūiyqtamai, ünemı jüzıp jüruge mäjbür.

✷  Kögıldır akulanyñ dene pışını süiır, tūmsyğy ūzyn bolady. Keude qanattary öte ūzyn, oraq tärızdı bolyp keledı. Arqa qanattarynyñ bırınşısı ekınşısınen äldeqaida ülken.

◈  Ol saira, makrel, maişabaq, tunes, hek, naiza balyq tärızdı teñız balyqtarymen qorektenedı.

❖  Kögıldır akula bükıl ğūmyrynda orta eseppen 50 myñ tıs jañartady. Tısterı üşbūryş pışındı, 5-6 qatar, keide 15 qatar bolyp ornalasady.

2.
⍟  Kögıldır akula – öz tūqymdastarynyñ ışındegı eñ tartymdysy.

✪  Kögıldır akula barlyq tropiktık jäne ortaşa temperaturadağy teñızder men mūhittardyñ su betınde jäne 350 metrge deiıngı tereñdıkte tırşılık etedı.

✾  Eresek kögıldır akulalardyñ salmağy 136-den 182 kelıge deiın tartady.

✤  Akulalardyñ 30 tuysqa jatatyn 368 türı bar.

✿  Kögıldır akulanyñ denesınıñ üstıñgı jağy – qoiu kök, ekı büiırı – kögıldır, astyñğy jağy aq tüstı bolady. Qūiryq qanatynyñ üstıñgı qalaqşasy ūzyn bolyp keledı.

3.
✧  Ğalymdar akulalardyñ salystyrmaly türde aqyldy ekenın aitady. Akulanyñ üirenu qabıletı egeuqūiryqtar men qūstardan kem emes.

✯  Kögıldır akula eñ jyldam jüzetın balyqtar qatarynda. Bıraq är zoolog ärtürlı pıkır aitady. Bırı «kögıldır akula sağatyna 97 şaqyrym jyldamdyqpen jüzedı» dese, tağy bırı «35 şaqyrymnan aspaidy» deidı.

❉  Balyqtar ūiyqtamaidy, bıraq olardyñ belsendı bolatyn jäne tynyğatyn kezderı bar. Kei akulalar teñız tabanynda jatyp tynyğady. Keibırı auamen tynys aluyn toqtatpau üşın ünemı jüzıp jüredı.

➢  Kögıldır akula öte qauıptı jyrtqyş bolğandyqtan, ony «teñız qasqyry» dep te aitady.