Бір күні кемпір үй сыпырып жүріп, күміс ақша тауып алды.
«Бұл ақшаға не сатып аламын?» деп ойлады кемпір.
Көп ойлап торай сатып алды. Бірақ үй келгенде торай аулаға кіргісі келмеді.
Кемпір өзі аулаға кірді, итті көрді.

– Ит, ит, сен торайды қапшы, ол аулаға кіргісі келмейді, ал мен бүгін үйге кіре алмайтын болдым.

Бірақ ит торайды қапқысы келмеді. Кемпір аулаға кірді, таяқты көрді.

– Таяқ, таяқ, сен итті ұршы, ит торайды қапқысы келмейді, ал торғай аулаға кіргісі келмейді, ал мен бүгін үйге кіре алмайтын болдым.

Бірақ таяқ итті ұрғысы келмеді. Кемпір аулаға кірді, отты көрді.

– От, от, таяқты күйдірші, таяқ итті ұрғысы келмейді, ит торайды қапқысы келмейді, ал торай аулаға кіргісі келмейді, ал мен бүгін үйге кіре алмайтын болдым.

Бірақ от таяқты күйдіргісі келмеді. Кемпір аулаға кірді, суды көрді.

– Су, су, отты сөндірші, от таяқты күйдіргісі келмейді, таяқ итті ұрғысы келмейді, ит торғайды қапқысы келмейді, ал торай аулаға кіргісі келмейді, ал мен бүгін үйге кіре алмайтын болдым.

Бірақ су отты сөндіргісі келмеді. Кемпір аулаға кірді, мысықты көрді.

– Мысық, мысық, суды ішші, су отты сөндіргісі келмейді, от таяқты күйдіргісі келмейді, таяқ итті ұрғысы келмейді, ит торайды қапқысы келмейді, ал торай аулаға кіргісі келмейді, ал мен бүгін үйге кіре алмайтын болдым.
– Маған сүт әкел, – деді, – Сонда мен суды ішемін.

Кемпір сиырға келді.

– Сиыр, сиыр, маған сүт берші.
– Маған шөп әкел, сонда мен саған сүт беремін.

Кемпір сиырға шөп берді, сиыр кемпірге сүт берді, мысық сүтті ішті, сосын суды іше бастады, су отты сөндіре бастады, от таяқты күйдіре бастады, таяқ итті ұра бастады, ит торайды қаба бастады, торай аулаға кірді.
Сөйтіп кемпір де үйіне кірді.

Сұрақтарға жауап беріңдер.
1) Бір күні кемпір нені тауып алды?
2) Кемпір ақшаға не сатып алды?
3) Торай қайда кіргісі келмеді?
4) Кемпір итке не деді?
5) Ит торайды қапқысы келді ме?
6) Кемпір таяққа не деді?
7) Неге кемпір оттан көмек сұрады?
8) Кемпірге су көмектесті ме?
9) Ал мысық не деді?
10) Сиыр кемпірге не деді?
11) Сосын не болды?
12) Торай мен кемпір үйге кірді ме?