Маймыл мен көзілдірік   (И.Крыловтың мысалы)

Маймылдың қартайған шағында көзі бұлдырлап нашар көре бастады.

Ол адамдардан "басқа түскен мұндай бақытсыздықтан құтылудың жолы - көзілдірік алу" дегенді естіген болатын.

Маймыл көзілдіріктің бірнешеуiн алды.

Көзілдіріктерді олай да, бұлай да айналдырып бастады.

Біресе төбесіне, біресе құйрығына жабыстырды.

Біресе оларды иіскеп көрді. Бiресе жалады.

Көзілдірік ешқандай әсер етпеді.

"Туу, құрысын, адамдардың өтірік сөзін тыңдап жүрген нағыз ақымақ екенмін.

Көзілдірік туралы айтқандары бос сөз болды ғой.

Олардан шашқа тиер түк пайда жоқ", - деді.

Маймыл өкiнiш пен қайғыдан көзәйнектерді тасқа ұрды.

Көзілдіріктер быт-шыт болып сынды.

Өкінішке орай, заттың қаншалықты пайдалы екенін білмейтін адамдар да бар.

Надан пайдасын білмей, оны тек жамандыққа жориды.

Егер асқан надан болса, онда ол оны тіпті лақтырып тастайды.