Үнемшіл құмырсқа   (кабардин ертегісі)  

Озвучила: Маида Нұрбай

Бір құмырсқа келе жатты. Алдынан адам шықты.  
Ол адам барлық жануарлар мен құстардың тілін білді.  

– Сенің басың неге үлкен? – деп ол құмырсқадан сұрады.  
– Себебі басымда ақыл көп.  
– Сенің белің неге жіңішке?  
– Себебі мен тамақты аз жеймін.  
– Сен қанша тамақ жейсің?  
– Бір бидайдың дәні маған бір жылға жетеді, – деп айтты құмырсқа.  
– Көреміз, бір дән бір жылға жете ме, жетпей ме?  

Адам құмырсқаны ұстап алды да, бір дән беріп, қамап қойды.  
Бір жыл өтті. Адам құмырсқаны ұмытты.  
Екі жыл өтті. Құмырсқа есіне түсті.  
Құмырсқаны барып қараса, қасында жарты дән жатыр екен.  

– Сен айттың, саған бір жылға жетеді, – деп. – Екі жыл өтті, сенде әлі жарты дән бар! Ол қалай? – деп таңғалды адам.
– Мені қамап қойған ақымақ мені ұмытып кетуі мүмкін деп ойладым мен.    Аштан өлмеу үшін, мен дәнді бөліп қойдым.