Казахский язык
Главная
Существительные
Послелоги
Прилагательные
Числительные
Местоимения
Наречия, Союзы
Личные окончания
Глаголы
Вспомогательные глаголы
Причастия
 Деепричастия
Модальность
Предложения
  Проверь себя!
  Упражнения
   Грамматика детям
   Учим всей семьёй
 Видео
  Разговорник
Пословицы
  Книга для чтения
С казахским не шутят?
Сказки
Песни
Статьи
Словарь
Ссылки и др.
Автор сайта
Суперлёг. чтение
  1. 1  
  2. 1  
  1. 2  
  2. 2  
  1. 3  
  2. 3  
  1. 4  
  1. 5  

Каталог тем
Лёг.истор.
  1. 1  
  1. 2  
  1. 3  
  1. 4  
  1. 5  
  1. 6  
  1. 7  
 Истории о детях
  1. 1  
  2. 1  
  1. 2  
  2. 2  
  1. 3  
  2. 3  
  1. 4  
  2. 4  
  1. 5  
  2. 5  
  2. 6  
  2. 7  
 Занимательное чтение
  1. 1  
  2. 1  
  3. 1  
  1. 2  
  2. 2  
  3. 2  
  1. 3  
  2. 3  
  3. 3  
  1. 4  
  2. 4  
  3. 4  
  1. 5  
  2. 5  
  3. 5  

Продвинутый уровень
 Казахский по уровням
  1. 1  
  2. 1  
  3. 1  
  4. 1  
  5. 1  
  1. 2  
  2. 2  
  3. 2  
  4. 2  
  5. 2  
  1. 3  
  2. 3  
  3. 3  
  4. 3  
  5. 3  
  1. 4  
  2. 4  
  3. 4  
  4. 4  
  5. 4  
  1. 5  
  2. 5  
  3. 5  
  4. 5  
  5. 5  
  2. 6  
  3. 6  
 Лёгкое чтение
  1. 1  
  2. 1  
  3. 1  
  1. 2  
  2. 2  
  3. 2  
  1. 3  
  2. 3  
  3. 3  
  1. 4  
  2. 4  
  1. 5  
  2. 5  
 Короткие истории
  1. 1  
  2. 1  
  3. 1  
  1. 2  
  2. 2  
  3. 2  
  1. 3  
  2. 3  
  3. 3  
  1. 4  
  2. 4  
  1. 5  
  2. 5  
 Кирил/Latyn 

Казахский по уровням

Уровень 4, страница 4
Грамматика казахского языка. Просто о сложном

Автор идеи, составитель и переводчик текстов
с английского языка на русский: Андрей Краснов

      61. Жартасқа өрмелеу
      Брэд және оның достары бір іспен айналысқылары келді. Олардың не нәрсемен айналысуға болатыны миына да кірмеген. Бұл тірлік сенбілік таңда болған еді. Брэдтің досы Джереми жартасқа өрмелеуді ұсынды. Олардың ешқайсысы бұрын мұнымен айналысқан емес. Брэд құптап қызық болады деп айтты.
      Олар жасанды жартас алаңына көлікпен жетті. Кіруге олар 10 доллар төледі. Олар барлық жарлар мен жабдықтарды қарап шықты. Брэд пен достары аздап қобалжып тұрды. Олар өздеріне керекті жабдық-жарақтарын таңдай бастады. Олар өзара жарыспақ болды. Джереми жартастың биігіне бірінші боп жетті. Олардың барлығы жақсылап көңіл көтерді. Олар үйге қайтқылары келмеді.

      61. Jartasqa örmeleu
      Bred jäne onyŋ dostary bır ıspen ainalysqylary keldı. Olardyŋ ne närsemen ainalysuğa bolatyny miyna da kırmegen. Būl tırlık senbılık taŋda bolğan edı. Bredtıŋ dosy Djeremi jartasqa örmeleudı ūsyndy. Olardyŋ eşqaisysy būryn mūnymen ainalysqan emes. Bred qūptap qyzyq bolady dep aitty.
      Olar jasandy jartas alaŋyna kölıkpen jettı. Kıruge olar 10 dollar töledı. Olar barlyq jarlar men jabdyqtardy qarap şyqty. Bred pen dostary azdap qobaljyp tūrdy. Olar özderıne kerektı jabdyq-jaraqtaryn taŋdai bastady. Olar özara jaryspaq boldy. Djeremi jartastyŋ biıgıne bırınşı bop jettı. Olardyŋ barlyğy jaqsylap köŋıl köterdı. Olar üige qaitqylary kelmedı.
Скрыть текст
      62. Жаяу серуендеу үшін тамаша күн
      Сол мен Виктор жаяу серуендегісі келді. Бүгін серуендеу үшін тамаша күн болды. Күн салқын, ауа температурасы 20 градус. Оларға бес шақырым жоғары көтеріліп, бес шақырым төмен түсу керек. Серуендеу үшін олар өздерімен көп ауызсу алып шықты. Сол өзінің итін де өзімен алып шықты.
      Олар тауға шығып барады. Биікте сарқырама болды. Олар көріністі тамашалады. Көрініс тамаша болды. Сосын олар қайтадан төмен түсті. Серуеннен кейін Сол мен Виктор шаршағанын сезінді. Олар денсаулыққа пайдалы жеміс смузиін дайындамақ болды. Олар Виктордың үйіне келіп, смузи әзірледі.

      62. Jaiau seruendeu üşın tamaşa kün
      Sol men Viktor jaiau seruendegısı keldı. Bügın seruendeu üşın tamaşa kün boldy. Kün salqyn, aua temperaturasy 20 gradus. Olarğa bes şaqyrym joğary köterılıp, bes şaqyrym tömen tüsu kerek. Seruendeu üşın olar özderımen köp auyzsu alyp şyqty. Sol özınıŋ itın de özımen alyp şyqty.
      Olar tauğa şyğyp barady. Biıkte sarqyrama boldy. Olar körınıstı tamaşalady. Körınıs tamaşa boldy. Sosyn olar qaitadan tömen tüstı. Seruennen keiın Sol men Viktor şarşağanyn sezındı. Olar densaulyqqa paidaly jemıs smuziın daiyndamaq boldy. Olar Viktordyŋ üiıne kelıp, smuzi äzırledı.
Скрыть текст
      63. Серфингпен шұғылдану
      Бүгін керемет күн болды. Ауа райы да тамаша болған. Нағыз жағажайға баратын уақыт екен. Андреа серфингпен айналысу керек деп шешті. Ол жағалауға өз жанұясымен бірге барды. Ол көліктен шыға сала бірден суға барды.
      Су алғашында салқындау болды. Жел жақсы соғып тұрғандықтан, толқындар да керемет болды. Андреа серфингті қатты жақсы көреді. Бүгін ол үшін көңілді күн болды. Олар бүкіл отбасымен серфингпен айналысып уақытты тамаша өткізді. Су бетінде тақтайда сырғанап болып, ол отбасымен бірге түскі ас ішті. Олар қақтамада шұжықтар қуырды. Ол отбасымен бірге жақсы сәттерді өткізді.

      63. Serfingpen şūğyldanu
      Bügın keremet kün boldy. Aua raiy da tamaşa bolğan. Nağyz jağajaiğa baratyn uaqyt eken. Andrea serfingpen ainalysu kerek dep şeştı. Ol jağalauğa öz janūiasymen bırge bardy. Ol kölıkten şyğa sala bırden suğa bardy.
      Su alğaşynda salqyndau boldy. Jel jaqsy soğyp tūrğandyqtan, tolqyndar da keremet boldy. Andrea serfingtı qatty jaqsy köredı. Bügın ol üşın köŋıldı kün boldy. Olar bükıl otbasymen serfingpen ainalysyp uaqytty tamaşa ötkızdı. Su betınde taqtaida syrğanap bolyp, ol otbasymen bırge tüskı as ıştı. Olar qaqtamada şūjyqtar quyrdy. Ol otbasymen bırge jaqsy sätterdı ötkızdı.
Скрыть текст
      64. Жаздың ыстық күні
      Жаздың ыстық күні еді. Күн өртеніп тұрды. Күннің ыссылығы 40 градус дерлік еді. Балалар далаға шыққысы келмеді. Барлығы үйде қалды, олар кондиционер қосты, ал кейбіреулер желдеткіш қосты. Судан ауыздарын алмайтын. Бұл жылдың ең ыстық күні болды.
      Балалар көк терге түсіп, ата-аналары ыстықтан әлсіреп қалды. Көбісі суға барып шомылуды шешті. Су оларға салқындауға көмектесті. Жағажайда суға шомылып жүрген балалар көп болды. Барлығы мәз-мейрам болды. Күннің ыстығы да білінбей қалғандай болды, олар денелеріне күнге күюге қарсы май жағып алды. Май денелерін күннен қорғайды, олар терілеріне зиян келтіргісі келмейді.

      64. Jazdyŋ ystyq künı
      Jazdyŋ ystyq künı edı. Kün örtenıp tūrdy. Künnıŋ yssylyğy 40 gradus derlık edı. Balalar dalağa şyqqysy kelmedı. Barlyğy üide qaldy, olar kondisioner qosty, al keibıreuler jeldetkış qosty. Sudan auyzdaryn almaityn. Būl jyldyŋ eŋ ystyq künı boldy.
      Balalar kök terge tüsıp, ata-analary ystyqtan älsırep qaldy. Köbısı suğa baryp şomyludy şeştı. Su olarğa salqyndauğa kömektestı. Jağajaida suğa şomylyp jürgen balalar köp boldy. Barlyğy mäz-meiram boldy. Künnıŋ ystyğy da bılınbei qalğandai boldy, olar denelerıne künge küiuge qarsy mai jağyp aldy. Mai denelerın künnen qorğaidy, olar terılerıne zian keltırgısı kelmeidı.
Скрыть текст
      65. Құтқарушының міндеттері
      Эмили жергілікті бассейнде құтқарушы болып жұмыс істейді. Оның жұмысы балалардың қауіпсіздігін қамтамасыз ету болып табылады. Ол бассейндегі жағдайды бақылап отыруы тиіс. Ол балалар суға батып жатқан жағдайда оларды құтқаруы керек. Эмили жақсы жүзе алуы тиіс. Ол сонымен қатар қалай жасанды тыныс беру керектігін білуі керек. Ол суға түсіп жүргендерді үздіксіз бақылауда ұстауы керек. Ол бәрінің барысын білуі керек. Және де ол балалардың тілін таба білуі керек.
      Эмили өз жұмысын ұнататын. Оған қуанышты балаларды көру рахат сыйлайтын. Бірақ барлық қиын жұмыстың бәрі оған қарап тұрған жоқ. Оның жұмыс уақытынан тыс кезде бассейнді пайдалана алатын мүмкіндігі бар.

      65. Qūtqaruşynyŋ mındetterı
      Emili jergılıktı baseinde qūtqaruşy bolyp jūmys ısteidı. Onyŋ jūmysy balalardyŋ qauıpsızdıgın qamtamasyz etu bolyp tabylady. Ol baseindegı jağdaidy baqylap otyruy tiıs. Ol balalar suğa batyp jatqan jağdaida olardy qūtqaruy kerek. Emili jaqsy jüze aluy tiıs. Ol sonymen qatar qalai jasandy tynys beru kerektıgın bıluı kerek. Ol suğa tüsıp jürgenderdı üzdıksız baqylauda ūstauy kerek. Ol bärınıŋ barysyn bıluı kerek. Jäne de ol balalardyŋ tılın taba bıluı kerek.
      Emili öz jūmysyn ūnatatyn. Oğan quanyşty balalardy köru rahat syilaityn. Bıraq barlyq qiyn jūmystyŋ bärı oğan qarap tūrğan joq. Onyŋ jūmys uaqytynan tys kezde baseindı paidalana alatyn mümkındıgı bar.
Скрыть текст
      66. Лотерея
      Джош лотерея ұтып алды. Ол қазір миллионер. Ол бұған сене алмады. Қазір оның көп нәрсе сатып алуға мүмкіндігі бар. Ол бірінші өзінің студенттік қарыздарын жапты. Әйтеуір қарыздардан құтылды-ау. Сосын ол Гавайяға билет сатып алды. Сондай-ақ өз жолдастарына да билет алды.
      Олар барлығы бірге Гавайяға ұшып кетті. Онда болғанда ақша жөнінде қам жеген жоқ. Джош өте жақсы отельде орналасты. Ол өте нәрлі дәмді тамақпен тамақтанды. Үйге қайтқанда жоғарғы класпен ұшты. Енді онда 800000 доллар қалды. Қалған ақшаны банктегі есепшотқа салуға шешім қабылдады. Ол сондай ақылсыз болғысы келмеді.

      66. Lotereia
      Djoş lotereia ūtyp aldy. Ol qazır millioner. Ol būğan sene almady. Qazır onyŋ köp närse satyp aluğa mümkındıgı bar. Ol bırınşı özınıŋ studenttık qaryzdaryn japty. Äiteuır qaryzdardan qūtyldy-au. Sosyn ol Gavaiiağa bilet satyp aldy. Sondai-aq öz joldastaryna da bilet aldy.
      Olar barlyğy bırge Gavaiiağa ūşyp kettı. Onda bolğanda aqşa jönınde qam jegen joq. Djoş öte jaqsy otelde ornalasty. Ol öte närlı dämdı tamaqpen tamaqtandy. Üige qaitqanda joğarğy klaspen ūşty. Endı onda 800000 dollar qaldy. Qalğan aqşany banktegı esepşotqa saluğa şeşım qabyldady. Ol sondai aqylsyz bolğysy kelmedı.
Скрыть текст
      67. Балмұздақ дүкенінде қызмет атқару
      Сара балмұздақ дүкенінде қызмет атқаратын. Ол балмұздақпен қоршаулы болғанды жақсы көретін. Ол күн сайын қуанышты күлкі көретін. Ол балалар мен олардың жанұяларына қызмет көрсеткенді жақсы көретін. Ол адамдардың жүзінде күлкі шақырғанды жақсы көретін. Сонымен бірге оның тегін балмұздақ алу мүмкіндігі бар болатын. Ол көп балмұздақ жемеуге тырысатын. Көп балмұздақ денсаулыққа зиян.
      Ол аптада бір рет балмұздақ алатын. Оның жақсы көретін дәмі шоколад болатын. Ең танымал дәм ваниль болатын. Дүкенде 20 түрлі балмұздақ дәмі бар болатын. Олардың 3 түрлі мөлшері бар болатын және 2 түрлі стақанда сатылатын. Дүкен өте танымал болатын. Сара осында жұмыс істегеннен рахаттанатын.

      67. Balmūzdaq dükenınde qyzmet atqaru
      Sara balmūzdaq dükenınde qyzmet atqaratyn. Ol balmūzdaqpen qorşauly bolğandy jaqsy köretın. Ol kün saiyn quanyşty külkı köretın. Ol balalar men olardyŋ janūialaryna qyzmet körsetkendı jaqsy köretın. Ol adamdardyŋ jüzınde külkı şaqyrğandy jaqsy köretın. Sonymen bırge onyŋ tegın balmūzdaq alu mümkındıgı bar bolatyn. Ol köp balmūzdaq jemeuge tyrysatyn. Köp balmūzdaq densaulyqqa zian.
      Ol aptada bır ret balmūzdaq alatyn. Onyŋ jaqsy köretın dämı şokolad bolatyn. Eŋ tanymal däm vanil bolatyn. Dükende 20 türlı balmūzdaq dämı bar bolatyn. Olardyŋ 3 türlı mölşerı bar bolatyn jäne 2 türlı staqanda satylatyn. Düken öte tanymal bolatyn. Sara osynda jūmys ıstegennen rahattanatyn.
Скрыть текст
      68. Оның иті жоғалып қалған
      Қара жұмыстан үйіне келді. Итін іздей бастады. Оны таба алмады. Ол жоғалған еді. Ол барлық жерді қарап шықты. Атымен де шақырып көрді. Ол жоқ боп кетті. Иесі көршілерден сұрайын деді. Олар оның итін көрмепті. Іргелес ауданды қарап шықты. Нәтижесіз. Ол хабарландыру беруге бел буды.
      Хабарландыруда итінің белгілері мен суреті бар еді. Ол достары мен отбасын хабарландыруды ілуге көмектесуін өтінді. Бірер сағаттан соң оған телефон шалды. Біреу оның итін тауып алыпты. Ол қатты қуанды. Ол өз итін басы аман тапқанына шаттанды.

      68. Onyŋ itı joğalyp qalğan
      Qara jūmystan üiıne keldı. itın ızdei bastady. Ony taba almady. Ol joğalğan edı. Ol barlyq jerdı qarap şyqty. Atymen de şaqyryp kördı. Ol joq bop kettı. iesı körşılerden sūraiyn dedı. Olar onyŋ itın körmeptı. İrgeles audandy qarap şyqty. Nätijesız. Ol habarlandyru beruge bel budy.
      Habarlandyruda itınıŋ belgılerı men suretı bar edı. Ol dostary men otbasyn habarlandyrudy ıluge kömektesuın ötındı. Bırer sağattan soŋ oğan telefon şaldy. Bıreu onyŋ itın tauyp alypty. Ol qatty quandy. Ol öz itın basy aman tapqanyna şattandy.
Скрыть текст
      69. Марафонға дайындық
      Синди марафон жүгіруге дайындалды. Марафон ұзындығы – 26 миля (42 шақырым). Оған қатысу үшін көп жаттығу керек. Ол марафонға жақсылап дайындалмақ болды. Ол күніне 5 миля жүгіре бастады. Күн сайын 1 милядан қосып отырды. Кейін 26 миля жүгіретін болды. Қазір ол марафонға дайын.
      Ол осы күнге тыңғылықты дайындалды. Ол пайдалы ас ішті. Таңертең сұлы қауызын жеді. Түскі аста салат жеді. Кешкі асқа тауық пен күріш дайындады. Сондай-ақ ол протеин батондарын жеді. 26 миля жүгіру үшін көп күш-қуат керек. Марафон күні ол ыңғайлы кроссовка мен спорттық киім киді.

      69. Marafonğa daiyndyq
      Sindi marafon jügıruge daiyndaldy. Marafon ūzyndyğy – 26 milä (42 şaqyrym). Oğan qatysu üşın köp jattyğu kerek. Ol marafonğa jaqsylap daiyndalmaq boldy. Ol künıne 5 milä jügıre bastady. Kün saiyn 1 milädan qosyp otyrdy. Keiın 26 milä jügıretın boldy. Qazır ol marafonğa daiyn.
      Ol osy künge tyŋğylyqty daiyndaldy. Ol paidaly as ıştı. Taŋerteŋ sūly qauyzyn jedı. Tüskı asta salat jedı. Keşkı asqa tauyq pen kürış daiyndady. Sondai-aq ol protein batondaryn jedı. 26 milä jügıru üşın köp küş-quat kerek. Marafon künı ol yŋğaily krosovka men sporttyq kiım kidı.
Скрыть текст
      70. Жарықтың өшуі
      Әдеттегі күндердің бірі еді. Кенет жарық өшіп қалды. Электр қуатын ажыратып тастапты. Сэм терезеден сыртқа үңілді. Көшенің бәрінде жарық жоқ еді. Шырақ іздеп кетті. Шырақты жақты. Электр қуаты бірнеше сағат бойы болмады.
      Ертеңге дейін жазба жұмыстарын аяқтауы керек еді. Бүгінгі кеште оны жазуы тиіс еді. Шырақты пайдаланды. Ата-анасы оған көмек ретінде фонарь тауып әкелді. Қуаттың сөнгені ештеңеге зиян келтірмеді. Керісінше, Сэм электр қуатынсыз өмірді көрді. Ол жазба жұмысын едәуір ерте бітірді, егер технология жетістіктеріне үңіліп отырғанда, көп уақыты зая кететін еді.

      70. Jaryqtyŋ öşuı
      Ädettegı künderdıŋ bırı edı. Kenet jaryq öşıp qaldy. Elektr quatyn ajyratyp tastapty. Sem terezeden syrtqa üŋıldı. Köşenıŋ bärınde jaryq joq edı. Şyraq ızdep kettı. Şyraqty jaqty. Elektr quaty bırneşe sağat boiy bolmady.
      Erteŋge deiın jazba jūmystaryn aiaqtauy kerek edı. Bügıngı keşte ony jazuy tiıs edı. Şyraqty paidalandy. Ata-anasy oğan kömek retınde fonar tauyp äkeldı. Quattyŋ söngenı eşteŋege zian keltırmedı. Kerısınşe, Sem elektr quatynsyz ömırdı kördı. Ol jazba jūmysyn edäuır erte bıtırdı, eger tehnologia jetıstıkterıne üŋılıp otyrğanda, köp uaqyty zaia ketetın edı.
Скрыть текст
      71. Билеуді үйренді
      Әрқайсысы би орындауы керек болды. Өнер көрсету келесі жұмаға белгіленді. Қойылым «Шорбуынға арналған билер» деп аталды. Ол қаржы жинау үшін жүргізілді. Әр билет бес доллар тұрды. Ақша шорбуынды емдеуге көмектесу үшін қайырымдылыққа арналды.
      Джоу да көмектескісі келді. Алайда ол билей алмайтын. Ол масқара болудан қорықты. Ол видеоны көруге шешті. Ол үйренуге тырысты. Ол мұны істей алмады. Ақырында ол өзінің досына барды. Ол шебер биші . Ол оған әртүрлі би қимылдарын үйретті. Досымен бірге айналысқаннан кейін Джоу өнер көрсетуге дайын болды. Ол маңызды іске көмектесуге қуанышты болды.

      71. Bileudı üirendı
      Ärqaisysy bi oryndauy kerek boldy. Öner körsetu kelesı jūmağa belgılendı. Qoiylym «Şorbuynğa arnalğan biler» dep ataldy. Ol qarjy jinau üşın jürgızıldı. Är bilet bes dollar tūrdy. Aqşa şorbuyndy emdeuge kömektesu üşın qaiyrymdylyqqa arnaldy.
      Djou da kömekteskısı keldı. Alaida ol bilei almaityn. Ol masqara boludan qoryqty. Ol videony köruge şeştı. Ol üirenuge tyrysty. Ol mūny ıstei almady. Aqyrynda ol özınıŋ dosyna bardy. Ol şeber bişı . Ol oğan ärtürlı bi qimyldaryn üirettı. Dosymen bırge ainalysqannan keiın Djou öner körsetuge daiyn boldy. Ol maŋyzdy ıske kömektesuge quanyşty boldy.
Скрыть текст
      72. Қызметтің жоғарылауынан масаттану
      Джим киімдер дүкенінде жұмыс істеді. Ол онда екі жыл көлемінде жұмыс атқарды. Демалыс бөлмесінде ол жарнамалық парақша көріп қалды. Онда жаңа басшы керек деп жазылған. Джим көтерілгісі келді. Өтініш тастады. Мәлімдеме толтырды. Бір аптадан соң оны сұхбатқа шақырды.
      Оның өзіне деген сенушілігі зор болды, сұхбаттасудан сәтті өтті. Бір аптадан кейін оған жауап берді. Қызметке ие болды. Жаңа жұмыс Джимге ұнады. Оның қызметі жоғарылағаны үшін қуанышқа бөленді. Дүкенге көмектесу жолдарын ойластыра бастады.

      72. Qyzmettıŋ joğarylauynan masattanu
      Djim kiımder dükenınde jūmys ıstedı. Ol onda ekı jyl kölemınde jūmys atqardy. Demalys bölmesınde ol jarnamalyq paraqşa körıp qaldy. Onda jaŋa basşy kerek dep jazylğan. Djim köterılgısı keldı. Ötınış tastady. Mälımdeme toltyrdy. Bır aptadan soŋ ony sūhbatqa şaqyrdy.
      Onyŋ özıne degen senuşılıgı zor boldy, sūhbattasudan sättı öttı. Bır aptadan keiın oğan jauap berdı. Qyzmetke ie boldy. Jaŋa jūmys Djimge ūnady. Onyŋ qyzmetı joğarylağany üşın quanyşqa bölendı. Dükenge kömektesu joldaryn oilastyra bastady.
Скрыть текст
      73. Жаңа көлік
      Томның көне көлігі бар еді.20 жыл бойы ол бір көліктен түспеді. Бірде оның көлігі бұзылып қалды. Ол көлігімен жүріп-тұра алмады. Ол жаңа көлік алатын уақыт келді деп шешті. Ол көлік сатып алуға жөнелді. Ол өзімен бірге інісін ала жүрді. Ол дилерден оған бәрін көрсетуін өтінді. Том қолжетімді де сенімді біреуін іздеген.
      Ол орташа өлшемді көлік қарастырды. Ол төрт есікті , бес орынды көлікті қалады. Ол көлік қарап, бірнеше сағат өткізді. Ақыры ол біреуіне тоқталды. Енді оған бағасын анықтап алу қажет. Дилер оған жақсы баға ұсынды. Том інісімен бірге үйіне су жаңа көлікпен қайтты.

      73. Jaŋa kölık
      Tomnyŋ köne kölıgı bar edı.20 jyl boiy ol bır kölıkten tüspedı. Bırde onyŋ kölıgı būzylyp qaldy. Ol kölıgımen jürıp-tūra almady. Ol jaŋa kölık alatyn uaqyt keldı dep şeştı. Ol kölık satyp aluğa jöneldı. Ol özımen bırge ınısın ala jürdı. Ol dilerden oğan bärın körsetuın ötındı. Tom qoljetımdı de senımdı bıreuın ızdegen.
      Ol ortaşa ölşemdı kölık qarastyrdy. Ol tört esıktı , bes oryndy kölıktı qalady. Ol kölık qarap, bırneşe sağat ötkızdı. Aqyry ol bıreuıne toqtaldy. Endı oğan bağasyn anyqtap alu qajet. Diler oğan jaqsy bağa ūsyndy. Tom ınısımen bırge üiıne su jaŋa kölıkpen qaitty.
Скрыть текст
      74. Пицца сарайы
      Клэрдің туған күні еді. Ол туған күнін пиццерияда өткізбекші болды. Ол Пицца сарайын таңдады. Пицца оның сүйікті тағамы еді. Кештің тақырыбы да пиццамен байланысты болды. Ол «Пицца патшайымы» деген жазуы бар жейдені киді. Ол «Гавайская» деген пиццаны жақсы көретін. Ол пиццаның бетіндегі ананас тілімдерін жақсы көретін.
      Тағаммен бірге Пицца сарайында ойын автоматтары залы болды. Мұнда ойын көп: әуе хоккейі, баскетбол, тіпті Dance Dance Revolution. Клэр өте қуанышты. Бұл ол үшін ең сәтті күн. Ол уақытын достарымен бірге өткізуді ұнатады. Клэр өте көңілді. Ол өзінің келесі туған күнін де жылдамырақ тойлағысы келді.

      74. Pitsa saraiy
      Klerdıŋ tuğan künı edı. Ol tuğan künın pisseriada ötkızbekşı boldy. Ol Pitsa saraiyn taŋdady. Pitsa onyŋ süiıktı tağamy edı. Keştıŋ taqyryby da pitsamen bailanysty boldy. Ol «Pitsa patşaiymy» degen jazuy bar jeidenı kidı. Ol «Gavaiskaia» degen pitsany jaqsy köretın. Ol pitsanyŋ betındegı ananas tılımderın jaqsy köretın.
      Tağammen bırge Pitsa saraiynda oiyn avtomattary zaly boldy. Mūnda oiyn köp: äue hokeiı, basketbol, tıptı Dance Dance Revolūtıon. Kler öte quanyşty. Būl ol üşın eŋ sättı kün. Ol uaqytyn dostarymen bırge ötkızudı ūnatady. Kler öte köŋıldı. Ol özınıŋ kelesı tuğan künın de jyldamyraq toilağysy keldı.
Скрыть текст
      75. Ол алғаш рет тамақ дайындады
      Пэм ешқашан тамақ әзірлемейтін. Ол жалғыз тұрмақшы болатын. Ол үйренетін кез келді деп шешті. Ол тамақ әзірлеумен байланысты кітаптар сатып алды. Ол сонымен қатар желіде видео қарайтын. Ол қарапайымнан бастамақшы болды. Ол алдымен макарон әзірлеуді үйренуді ұйғарды.
      Ол макаронды пісіру үшін суды қайнатты. Сосын ол қызанақтардан соус әзірледі. Ол дәмін шығару үшін бұрыш қосты. Сонымен қатар ірімшікті де қосты. Бәрі дайын болған соң ол тамаққа кірісті. Ол өз қолымен әзірленген тамақты жеп отырғанына қуанды. Тамақ сондай керемет болған жоқ, дегенмен жеуге болады. Ол көбірек жаттығу керек деген шешімге келді.

      75. Ol alğaş ret tamaq daiyndady
      Pem eşqaşan tamaq äzırlemeitın. Ol jalğyz tūrmaqşy bolatyn. Ol üirenetın kez keldı dep şeştı. Ol tamaq äzırleumen bailanysty kıtaptar satyp aldy. Ol sonymen qatar jelıde video qaraityn. Ol qarapaiymnan bastamaqşy boldy. Ol aldymen makaron äzırleudı üirenudı ūiğardy.
      Ol makarondy pısıru üşın sudy qainatty. Sosyn ol qyzanaqtardan sous äzırledı. Ol dämın şyğaru üşın būryş qosty. Sonymen qatar ırımşıktı de qosty. Bärı daiyn bolğan soŋ ol tamaqqa kırıstı. Ol öz qolymen äzırlengen tamaqty jep otyrğanyna quandy. Tamaq sondai keremet bolğan joq, degenmen jeuge bolady. Ol köbırek jattyğu kerek degen şeşımge keldı.
Скрыть текст
      76. Кітапханадағы жұмыс
      Элан кітапханада жұмыс істейді. Ол - кітапханашы. Оның жұмысы адамдарға кітаптар беру болып табылады. Ол тағы оларға кітаптарды табуға көмектеседі. Ол адамдармен жұмыс жасағанды жақсы көреді. Оның жақсы көретін ісі - адамдармен кітаптар туралы әңгімелесу. Әр апта сайын ол кітап сүйер қауымға үйірме өткізеді. Ол кітаптарды сөрелерге бөліп қоюға көмектеседі.
      Эланның жақсы көретіні қиял-ғажайыптар жанрындағы кітаптар. Ол кітап туралы ойымен басқа біреумен бөліскенді ұнатады. Кітапхана оның екінші үйі секілді. Ол адамдарға кітапхана өзіне қалай жайлы болса, оларға да солай жайлы деп үміттенеді. Кітаптар өз мәселелеріңнен бір сәт алыстауға мүмкіндік береді. Кітапхана әрбір жан үшін ашық . Оған әртүрлі адамдармен жұмыстас болған ұнайды.

      76. Kıtaphanadağy jūmys
      Elan kıtaphanada jūmys ısteidı. Ol - kıtaphanaşy. Onyŋ jūmysy adamdarğa kıtaptar beru bolyp tabylady. Ol tağy olarğa kıtaptardy tabuğa kömektesedı. Ol adamdarmen jūmys jasağandy jaqsy köredı. Onyŋ jaqsy köretın ısı - adamdarmen kıtaptar turaly äŋgımelesu. Är apta saiyn ol kıtap süier qauymğa üiırme ötkızedı. Ol kıtaptardy sörelerge bölıp qoiuğa kömektesedı.
      Elannyŋ jaqsy köretını qial-ğajaiyptar janryndağy kıtaptar. Ol kıtap turaly oiymen basqa bıreumen bölıskendı ūnatady. Kıtaphana onyŋ ekınşı üiı sekıldı. Ol adamdarğa kıtaphana özıne qalai jaily bolsa, olarğa da solai jaily dep ümıttenedı. Kıtaptar öz mäselelerıŋnen bır sät alystauğa mümkındık beredı. Kıtaphana ärbır jan üşın aşyq . Oğan ärtürlı adamdarmen jūmystas bolğan ūnaidy.
Скрыть текст
      77. Ұқсамайтын егіздер
      Лилианның егіз сіңлісі бар еді. Оның аты Ивонна. Түрлері ұқсас болғанымен, олардың ортақ ештеңесі жоқ. Олардың мінезі мүлде бөлек. Лилиан өнерге құштар. Ол көркем сурет пен графиканы жақсы көретін. Көп уақытын музыка тыңдап, сурет салумен өткізетін. Сондай-ақ ол ұқыпсыз еді. Бөлмесіндегі барлық заттар шашылып жататын.
      Ивонна кітап оқығанды жақсы көретін. Ол әңгіме жазып, проблемаларды ойлауды ұнататын. Ол көп уақытын кітап оқумен өткізетін. Сондай-ақ ол өте тәртіпті еді. Лилиан шығармашылыққа жақын, ал Ивонна ақылдырақ болатын. Екеуінің ұқсастығы да бар. Екеуі де спортпен айналысқанды ұнататын. Екеуі де теннис командасында ойнайтын.

      77. Ūqsamaityn egızder
      Liliannyŋ egız sıŋlısı bar edı. Onyŋ aty İvonna. Türlerı ūqsas bolğanymen, olardyŋ ortaq eşteŋesı joq. Olardyŋ mınezı mülde bölek. Lilian önerge qūştar. Ol körkem suret pen grafikany jaqsy köretın. Köp uaqytyn muzyka tyŋdap, suret salumen ötkızetın. Sondai-aq ol ūqypsyz edı. Bölmesındegı barlyq zattar şaşylyp jatatyn.
      İvonna kıtap oqyğandy jaqsy köretın. Ol äŋgıme jazyp, problemalardy oilaudy ūnatatyn. Ol köp uaqytyn kıtap oqumen ötkızetın. Sondai-aq ol öte tärtıptı edı. Lilian şyğarmaşylyqqa jaqyn, al ivonna aqyldyraq bolatyn. Ekeuınıŋ ūqsastyğy da bar. Ekeuı de sportpen ainalysqandy ūnatatyn. Ekeuı de tenis komandasynda oinaityn.
Скрыть текст
      78. Америкаға сапар
      Уго Америкаға келді. Америкада оның ағасы тұратын. Ол өзінің ағасын көруге келген. Ол шамалы ағылшынша білетін , бірақ ол ағылшынша әзірше жақсы сөйлемейтін. Оның ағасының аты Пабло еді. Пабло оған Американы көрсетті.
      Ол оны тамақтануға болатын ең күшті жерлерге апарды. Ол оған барлығына әйгілі көрнекті жерлерді көрсетті. Олар Нью-Йоркта , Калифорнияда, Вашингтонда, Пенсильванияда қыдырды. Пабло оны көптеген мұражайлар мен саябақтарға алып барды. Ол тағы оған дүкендер мен кітапханаларды аралаттырды. Уго уақытты керемет өткізді. Әрине ол аздап өз үйін сағынды.

      78. Amerikağa sapar
      Ugo Amerikağa keldı. Amerikada onyŋ ağasy tūratyn. Ol özınıŋ ağasyn köruge kelgen. Ol şamaly ağylşynşa bıletın , bıraq ol ağylşynşa äzırşe jaqsy söilemeitın. Onyŋ ağasynyŋ aty Pablo edı. Pablo oğan Amerikany körsettı.
      Ol ony tamaqtanuğa bolatyn eŋ küştı jerlerge apardy. Ol oğan barlyğyna äigılı körnektı jerlerdı körsettı. Olar Nü-iorkta , Kaliforniada, Vaşingtonda, Pensilvaniada qydyrdy. Pablo ony köptegen mūrajailar men saiabaqtarğa alyp bardy. Ol tağy oğan dükender men kıtaphanalardy aralattyrdy. Ugo uaqytty keremet ötkızdı. Ärine ol azdap öz üiın sağyndy.
Скрыть текст
      79. Тегін бұрама тоқаштар күні
      Бүгін жұмыста тегін бұрама тоқаштар таратты. Тегін бұрама тоқаштар күні жұмысшыларды ынталандыру негізінде жүргізілген. Бәрі де қуанышты, мәз-мейрам сезімде болды. Барлығы тегін тоқаштарды жақсы көретін. Әртүрлі бұрама тоқаштар болды: даршынмен, тұздалған және кәдімгі тоқаш.
      Ең көп таңдалған тұздалған тоқаштар еді. Тағы ұнтақталғандары да болды. Сіз тоқашқа шоколад , бадам немесе тәтті шәрбат қосуыңызға болады. Тегін бұрама тоқаштар арқасында ұжымның жұмысқа деген құлшынысы арта түсті. Тоқаштан соң бәрінің күш қайраты тасып тұрды. Бұрама тоқаштар күні үлкен табыс алып келді.

      79. Tegın būrama toqaştar künı
      Bügın jūmysta tegın būrama toqaştar taratty. Tegın būrama toqaştar künı jūmysşylardy yntalandyru negızınde jürgızılgen. Bärı de quanyşty, mäz-meiram sezımde boldy. Barlyğy tegın toqaştardy jaqsy köretın. Ärtürlı būrama toqaştar boldy: darşynmen, tūzdalğan jäne kädımgı toqaş.
      Eŋ köp taŋdalğan tūzdalğan toqaştar edı. Tağy ūntaqtalğandary da boldy. Sız toqaşqa şokolad , badam nemese tättı şärbat qosuyŋyzğa bolady. Tegın būrama toqaştar arqasynda ūjymnyŋ jūmysqa degen qūlşynysy arta tüstı. Toqaştan soŋ bärınıŋ küş qairaty tasyp tūrdy. Būrama toqaştar künı ülken tabys alyp keldı.
Скрыть текст
      80. Брекеттер
      Полға брекеттерге тағайындама жазып берді. Ол он үш жасқа келіп қалған еді. Оның ата-анасы оған брекет таққызатын уақыт келді деп шешті. Пол қисық тістейтін еді. Оған қоса оның тістері тым қисық орналасқан еді. Брекеттер қымбат тұратын. Бірақ не болса да оған оны салдыру керек еді. Ол ертеңіне қабылдауға тіркеліп қойды. Ол қорықты. Ол ауыртады деп ойлады.
      Стоматолог-ортодонт оның тістерін қарап шықты. Ол рентген сәулесімен бірнеше фотосурет жасады. Ол Полға брекет салу қажеттігін айтты. Полды қорқыныш жайлап алды. Алайда ол ойлағандай ауыртарлық болған жоқ. Ортодонт шаруасын бітіргенде, Пол бір жеңілдеп қалды. Десе де оған тісінде бір темір затты сезіну ыңғайсыз боп көрінді. Оған тамақтану қиынға соқты. Оның ата-анасы оған балмұздақ сатып әперді.

      80. Breketter
      Polğa breketterge tağaiyndama jazyp berdı. Ol on üş jasqa kelıp qalğan edı. Onyŋ ata-anasy oğan breket taqqyzatyn uaqyt keldı dep şeştı. Pol qisyq tısteitın edı. Oğan qosa onyŋ tısterı tym qisyq ornalasqan edı. Breketter qymbat tūratyn. Bıraq ne bolsa da oğan ony saldyru kerek edı. Ol erteŋıne qabyldauğa tırkelıp qoidy. Ol qoryqty. Ol auyrtady dep oilady.
      Stomatolog-ortodont onyŋ tısterın qarap şyqty. Ol rentgen säulesımen bırneşe fotosuret jasady. Ol Polğa breket salu qajettıgın aitty. Poldy qorqynyş jailap aldy. Alaida ol oilağandai auyrtarlyq bolğan joq. Ortodont şaruasyn bıtırgende, Pol bır jeŋıldep qaldy. Dese de oğan tısınde bır temır zatty sezınu yŋğaisyz bop körındı. Oğan tamaqtanu qiynğa soqty. Onyŋ ata-anasy oğan balmūzdaq satyp äperdı.
Скрыть текст


В подготовке текстов на казахском языке участвовали пользователи сайта sozdik.kz:
Nurdaulet Aspenov, Жанара Қабина, Акжайык Сабырбаева, Гульнар Абдраимова, Алтынгуль Кептербаева, Жанар Амангалиева, Гаухар Назымбекова, Рахат Уйсымбаев, Norah Jones, Аслан Бисенов, Аяулым Орынгали, Бағлан Көке, Мади Толегенов, Раушан Муталипова и другие.
Корректор текстов на казахском языке: Атлас Кудайбергенова



©  Татьяна Валяева   2007–2021
http://kaz-tili.kz/
 <<  Казахский по уровням. Ур.4, стр.3 Вернуться к началу Лёгкое чтение. Том 1, стр.1  >> 


Присоединиться в Фейсбуке   ВКонтакте                  Цвета текста на сайте - значение                  E-mail: kaz-tili@yandex.ru                  Гостевая книга